Z akna Vaŭkavyskaha RAUS vykinuŭsia chłopiec u naručnikach. Ën raźbiŭsia naśmierć
Zahinułamu było 24 hady. Jon žychar Vaŭkavyska.
01.05.2023 / 14:02
Kanał @Grodno_grab paviedamiŭ, što chłopiec vykinuŭsia z čacviortaha paviercha ŭ naručnikach.
Pavodle infarmacyi pravaabaroncaŭ, vierahodna, havorka idzie pra 24-hadovaha Maksima Ł. (jaho poŭnaje imia i inšaja infarmacyja majecca ŭ rasparadžeńni pravaabaroncaŭ). Dniami chłopiec adznačyŭ svoj dzień narodzinaŭ.
U pravaabaroncaŭ niama dakładnaj infarmacyi, čamu zatrymali chłopca, ale im viadoma, što siłaviki zatrymlivali jaho ŭ Vaŭkavysku 9 žniŭnia 2020 hodu.
Kanały siłavikoŭ śćviardžajuć, što chłopca zatrymali za narkotyki. My nie majem pacviardžeńnia hetaj infarmacyi ź inšych krynic.
«Naša Niva» šukaje źviestki pra zdareńnie.
Kali viedajecie, čamu tak stałasia, napišycie redaktaru «Našaj Nivy» ŭ TH, na nivanasha@gmail.com ci nivanasha@proton.me. Albo pišycie asabista tym žurnalistam i redaktaram «Našaj Nivy», jakich vy viedajecie i jakim daviarajecie (lepš — u sihnał ci telehram).