Выйшла на волю спявачка Аляксандра Захарык
Пра вызваленне жанчына паведаміла на сваёй старонцы ў фэйсбуку.
28.04.2023 / 21:36
Паведамленне было лаканічным:
«Я дома. Дзякуй усім, хто непакоіўся».
Падрабязнасці вызвалення пакуль невядомыя.
Аляксандру Захарык затрымалі 30 студзеня гэтага года. 34-гадовую жанчыну абвінавачвалі ў «арганізацыі і падрыхтоўцы дзеянняў, якія груба парушаюць грамадскі парадак, альбо актыўным ўдзеле ў іх».
Захарык — джазавая спявачка, удзельніца шоу «Голас». У 2009 і 2016 гадах яна выходзіла ў фінал нацыянальнага адбору на «Еўрабачанне». Акрамя таго, Аляксандра выступала з гуртом Apple Tea і працавала над уласным праектам ZAKHARIK.
Чытайце таксама:
Дзяўчыну затрымалі за каментары. Вось як яе адшукалі
Пластычнага хірурга Аляксея Дужага прысудзілі да двух гадоў «хіміі»