Сын Арвідаса Сабоніса прыняў юдаізм
Сын самага вядомага баскетбаліста Літвы Дамантас Сабоніс прыняў юдаізм. Сабоніс-малодшы таксама баскетбаліст, ён выступае за клуб НБА «Сакрамэнта Кінгз».
15.04.2023 / 15:33
Дамантас і Шашана. Фота з інстаграма
«Насамрэч мы не казалі пра гэта публічна. Ён любіць юдаізм і вельмі хоча быць яго часткай», — сказала яго жонка Шашана Розэн, паведамляе Delfi.lt.
Дамантас рэгулярна займаецца праз Zoom з рабінам Эрэзам Шэрманам з Сінайскага храма ў Лос-Анджэлесе. Шэрман заявіў, што баскетбаліст сур'ёзна гатовы больш даведацца пра юдаізм. І хоць Сабоніс прысвяціў сябе вучобе, яго жонка сказала, што з-за працы ён не можа ўзяць на сябе абавязацельствы выконваць усе патрабаванні рэлігіі.
«Ён павінен лётаць і рабіць усё гэта, але ён працягвае вучыцца. Мы выконваем Песах, мы выконваем шабат. Мы не сядаем за руль і кожны тыдзень ямо спецыяльную вячэру на шабат», — сказала Ш.Розэн.
Дамантас і Шашана пажаніліся ў жніўні 2021 года.
Красоўкі Майкла Джордана прададзены за 2,2 мільёна даляраў. Гэта рэкорд