За рэпосты затрымалі сакратара БРСМ, які працуе юрысконсультам у сельскагаспадарчым комплексе
Яго вінавацяць таксама ў тым, што ён быў падпісаны на некалькі «экстрэмісцкіх каналаў».
14.04.2023 / 17:50
Уладзімір Якубашка. Фота: ягоная старонка
Уладзіміру Якубашку 28 гадоў, і ён родам з вёскі Луцкаўляны ў Гродзенскім раёне. Ён скончыў юрыдычны факультэт Гродзенскага дзяржаўнага ўніверсітэта і пасля пачаў працаваць юрысконсультам у СВК імя Дзеньшчыкова. Таксама ён узначальвае ячэйку БРСМ у кампаніі.
Мужчыну, згодна з відэа сілавікоў, затрымалі за тое, што ён быў падпісаны на «экстрэмісцкія» тэлеграм-каналы і некалькі разоў перасылаў з іх матэрыялы знаёмым. Паведамляецца, што супраць яго заведзеная адміністратыўная справа, а мужчына змешчаны ў ІЧУ.