«Стратэгічную сітуацыю можа змяніць толькі вызваленне Крыма» — генерал Ходжэс
Адстаўны амерыканскі генерал Бэн Ходжэс, былы камандуючы амерыканскай арміяй у Еўропе, назваў Крым вырашальным участкам у вайне Расіі з Украінай.
03.04.2023 / 21:51
Бэн Ходжэс. Фота: AP Photo / Mindaugas Kulbis
«Крым — вось што павінна быць вызвалена, — заявіў днямі генерал Ходжэс літоўскаму нацыянальнаму тэлерадыёканалу LRT. —
Вы можаце знішчыць усіх расійскіх салдат у радыусе 200 км ад Бахмута, але гэта не паўплывае на стратэгічны зыход вайны. Стратэгічную сітуацыю можа змяніць толькі вызваленне Крыма, і менавіта так Украіна даб'ецца перамогі».
Са слоў адстаўнога генерала, калі створацца ўсе прыдатныя ўмовы, Украіна пачне контрнаступленне, якое дазволіла б ёй адрэзаць Крым ад Расіі. Яна пастараецца зноў нанесці ўдар па Керчанскім мосце і знішчыць яго ды пачне выкарыстоўваць зброю далёкага радыусу дзеяння, што зробіць абарону Крыма немагчымай, мяркуе Бэн Ходжэс.
Севастопаль, Сакі — калі наносіць удары па гэтых гарадах Крымскага паўвострава, расіяне не змогуць там заставацца, заявіў адстаўны генерал.
Вядома, падкрэсліў Ходжэс, украінскі генштаб не стане апавяшчаць пра час і месца такога контрнаступлення, але мы ведаем, што ўкраінскія сілы ствараюць магутны бранятанкавы кулак, пры гэтым не задзейнічаюць яго ў Бахмуце, і гэта азначае, што іншыя ўкраінскія часці вымушаныя плаціць высокую цану ў Бахмуце, каб спыніць там расійскія войскі.
«Усё, што я кажу пра гэта наступленне, толькі мае ўласныя здагадкі, таму што я магу чытаць карту, калі я думаю, што я спадзяюся ўбачыць», — дадаў генерал Ходжэс.
Чытайце таксама:
ЗША разглядаюць варыянты паставак Украіне зброі вялікай далёкасці замест ATACMS — генерал Мілі
Міністр абароны Украіны распавёў паслам ЕС, чаго не хапае для эфектыўнага контрнаступу