Fiederacyja fiechtavańnia Francyi admoviłasia pravodzić etap Kubka śvietu ź biełarusami i rasijanami
Fiederacyja fiechtavańnia Francyi admoviłasia pravodzić etap Kubka śvietu siarod špažystaŭ 19-21 maja ŭ Sen-Mor-de-Fase z-za mahčymaha dopusku da spabornictvaŭ biełaruskich i rasijskich spartśmienaŭ.
31.03.2023 / 20:05
Na sajcie arhanizacyi paviedamlajecca, što ab admienie spabornictvaŭ prainfarmavanyja spartyŭnyja i ŭradavyja ŭstanovy, u tym liku municypalitet Sen-Mor-de-Fase. Takim čynam, Francyja dałučyłasia da Hiermanii, Finlandyi i Danii, jakija taksama niadaŭna admianili fiechtavalnyja turniry na svajoj terytoryi pa tych ža pryčynach.
Na takija radykalnyja zachady fiechtavalnym fiederacyjam zachodnich krain davodzicca iści paśla taho, jak 10 sakavika pazačarhovy kanhres Mižnarodnaj fiederacyi fiechtavańnia (FIE) dazvoliŭ udzielničać spartśmienam ź Biełarusi i Rasii ŭ spabornictvach. U hetaj fiederacyi tradycyjna mocnyja ŭpłyvy Rasii, raniej jaje kiraŭnikom šmat hadoŭ byŭ viadomy prapucinski aliharch Ališer Usmanaŭ.
Čytajcie taksama:
Ukraina budzie bajkatavać spabornictvy z udziełam rasijskich spartśmienaŭ — ukrainski ŭrad
Biełaruskich spartśmienaŭ nie dapuściać na Jeŭrapiejskija hulni ni pry jakich umovach
Z rasijskich lohkaatletaŭ źniali sankcyi, uviedzienyja za dopinh. Ale im heta mała pamoža