Pryznačanaja data novaha suda nad palitźniavolenaj Alenaj Hnaŭk
Pa inicyjatyvie administracyi homielskaj kałonii suprać Aleny zaviali kryminalnuju spravu pavodle č. 1 art. 411 KK (złosnaje niepadparadkavańnie patrabavańniam administracyi kałonii).
30.03.2023 / 10:24
Sud nad joj raspačniecca 11 krasavika ŭ sudzie Čyhunačnaha rajona Homiela. Spravu budzie razhladać suddzia Jarasłaŭ Paremski.
Nahadajem, palitźniavolenuju aktyvistku z Pružanaŭ, asudžanuju da 3,5 hoda kałonii, 15 žniŭnia pieraviali ŭ papraŭčuju kałoniju №4. Niadaŭna jaje źmiaščali ŭ PKT da 24 lutaha.
Taksama Alenu pazbavili amal usich pieradač, zvankoŭ, spatkańniaŭ i skaracili atavarku z 3 bazavych vieličyń da 1 (37 rubloŭ). U źniavoleńni ŭ žančyny pahoršyłasia zdaroŭje. Niadaŭna Alena sustreła svajo 66-hoddzie.
Padtrymajcie Alenu listami salidarnaści i telehramami:
PK-4, 246035, h. Homiel, vuł. Antoškina, 3, 8 atrad, Alenie Piatroŭnie Hnaŭk.
Stała viadoma, jak mocna mučać u turmie piensijanierku Hnaŭk