Usievaład Ścieburaka. Na śmierć Radzimy. Vierš
Usievaład Ścieburaka apublikavaŭ u svaim fejsbuku novy vierš.
29.03.2023 / 11:57
***
Z čaho pajšło
i jak raspačałosia?
Z čabora pachu,
hrušy nad Dniaprom,
ptušynaha roznahałośsia?
Ci ź dziŭnaha śviatła,
što doryć vosień,
ci z toj vady,
jakuju pješ nahbom?
I nie ŭzhadać ciapier.
Hadoŭ zaviei
tumaniać kalarovaju smuhoj
abrysy postaciaŭ,
imiony i padziei
spłyvajuć ź nievymoŭnaju tuhoj.
Ci navat bieź jaje
ŭ niabyt iduć z palohkaj.
Chutčej imknie biaskoncy karahod.
I recha nie čuvać, jak nie halokaj E,
i na krynicach nieadolny lod.
I tolki hruša,
abłačynkaj lohkaj,
Stahoddziami ćvicie
apošni hod…