Kiraŭnik Pientahona: Ukraina maje dobryja šancy na paśpiachovaje kontrnastupleńnie
Ministr abarony ZŠA Łojd Ościn ličyć, što Uzbrojenyja siły Ukrainy majuć «vielmi dobryja šancy» dla paśpiachovaha kontrnastupleńnia viasnoj hetaha hoda. U pryvatnaści, dziakujučy tamu, što Ukraina źniasiliła rasijskija vojski. Pra heta jon zajaviŭ padčas słuchańniaŭ u Kamitecie Sienata ZŠA.
29.03.2023 / 02:02
Łojd Ościn
«Ukraincy nanieśli rasijanam značnyja straty, paškumataŭšy ich zapasy braniatechniki tak, jak nichto nikoli nie moh sabie ŭjavić. I ciapier my bačym, što Rasija raskansiervuje tanki T-54 i T-55 z-za uzroŭniu strat», — adznačyŭ kiraŭnik Pientahona.
Na jaho dumku, viasnoj umovy dla manieŭravańnia palepšacca, a tamu bajavyja dziejańni aktyvizujucca.
«Ja dumaju, što Ukraina budzie mieć vielmi dobryja šancy na pośpiech», — padkreśliŭ Ościn.
Čytajcie taksama:
Ekśpiert raskazaŭ, jak zachodnija tanki źmieniać chod vajny va Ukrainie
Z sastarełaj taktykaj ničoha nie budzie. Rasijski ekśpiert nazvaŭ pryčyny paražeńniaŭ svajoj armii