Vyjšaŭ na volu palitviazień Piatro Kanstancinaŭ
Vyjšaŭ na volu žłobinski aktyvist Biełaruskaj sacyjał-demakratyčnaj partyi Piatro Kanstancinaŭ. Jon adbyŭ całkam uvieś vyznačany jamu sudom termin, paviedamlaje partyjny telehram-kanał.
28.03.2023 / 18:07
6 žniŭnia 2021 hoda Piotr Kanstancinaŭ atrymaŭ 2 hady kałonii ahulnaha režymu pa č. 1 art. 342 (arhanizacyja masavych biesparadkaŭ). Takoje rašeńnie vynies suddzia Žłobinskaha rajonnaha suda Mikałaj Sierhijevič. Svaju vinu sacyjał-demakrat nie pryznaŭ.
Pres-słužba BSDP adznačaje, što Piatro Kanstancinaŭ staŭ čacviortym siabram partyi, chto całkam adbyŭ u turmie termin pa «narodnych» kryminalnych artykułach. Na hety momant u turmach zastajecca jašče 9 siabroŭ partyi.
Usiaho ž pa kryminalnych artykułach, źviazanych z palitykaj, asudžana 17 siabroŭ BSDP. Niekatoryja ź ich adbyvajuć chatniuju «chimiju».
Čytajcie taksama:
Na volu vyjšaŭ palitviazień Maksim Ciškievič