Dziaržkantrol prybraŭ z palic kramy ŭ Homieli praterminavanuju pradukcyju — palicy zastalisia pustymi FOTA
Za hrubyja parušeńni zakanadaŭstva ab jakaści i biaśpiecy pradukcyi prypynienaja praca niekatorych padraździaleńniaŭ kramy «Dyjanis» u Homieli, paviedamlaje KDK.
28.03.2023 / 13:15
Palicy da i paśla pravierki. Fota: KDK
Kamitet dziaržkantrolu Homielskaj vobłaści ŭ adnym z handlovych abjektaŭ sietki «Dyjanis» zafiksavaŭ praterminavanuju kulinarnuju pradukcyju ŭłasnaj vytvorčaści, na pradukcyju ŭ handlovym abjekcie adsutničali dakumienty, jakija pacviardžajuć jaje jakaść i biaśpieku, davałasia niedakładnaja infarmacyja pra čas i datu vytvorčaści.
KDK kanfiskavaŭ z prodažu 195 kh pradukcyi, u jakoj vyjšaŭ termin prydatnaści.
Akramia taho, u handlovym abjekcie pakupnikam prapanoŭvalisia «sa źnižkaj» zahniłyja piercy, usochłyja, ź ciomnymi plamami limony i banany z parušeńniem cełasnaści łupiny, što zabaroniena sanitarnymi normami i praviłami, piša pres-słužba KDK.
Za parušeńni zakanadaŭstva KDK zakryŭ abjekt hramadskaha charčavańnia i addzieł pa realizacyi hatovaj kulinarnaj pradukcyi handlovaha abjekta da likvidacyi parušeńniaŭ.