U Biełarusi adkryli pasolstva Zimbabve
Pra adkryćcio zimbabvijskaha pasolstva ministr zamiežnych spraŭ Siarhiej Alejnik zajaviŭ žurnalistam pa vynikach pieramoŭ ź ministram zamiežnych spraŭ i mižnarodnaha handlu Zimbabve Frederykam Šava.
27.03.2023 / 17:28
«Usie farmalnaści zavieršanyja, i siońnia my možam aficyjna abviaścić pra pačatkak jaho pracy», — skazaŭ Siarhiej Alejnik, majučy na ŭvazie pasolstva Zimbabve ŭ Minsku.
Aficyjny vizit kiraŭnika MZS Zimbabve ŭ Biełaruś prachodzić 26—30 sakavika.
Siarhiej Alejnik zajaviŭ, što biełaruski bok zadavoleny dynamikaj raźvićcia adnosin z hetaj afrykanskaj krainaj, jakuju ŭ kancy studzienia naviedaŭ z aficyjnym vizitam Łukašenka. Adkryćcio ž zimbabvijskaha pasolstva adlustroŭvaje, maŭlaŭ, ahulnyja trendy.
«Letaś sietka našych zamiežnych ustanoŭ była aptymizavanaja. My skaracili našu prysutnaść u krainach Zachodniaj Jeŭropy i Paŭnočnaj Amieryki i pavialičyli dypłamatyčnuju prysutnaść u krainach tak zvanaj dalokaj duhi», — zajaviŭ Siarhiej Alejnik.
Čytajcie taksama:
Pieršaja łedzi Zimbabve pryjedzie ŭ Biełaruś