У Беларусі адкрылі пасольства Зімбабвэ
Пра адкрыццё зімбабвійскага пасольства міністр замежных спраў Сяргей Алейнік заявіў журналістам па выніках перамоў з міністрам замежных спраў і міжнароднага гандлю Зімбабвэ Фрэдэрыкам Шавай.
27.03.2023 / 17:28
«Усе фармальнасці завершаныя, і сёння мы можам афіцыйна абвясціць пра пачаткак яго працы», — сказаў Сяргей Алейнік, маючы на ўвазе пасольства Зімбабвэ ў Мінску.
Афіцыйны візіт кіраўніка МЗС Зімбабвэ ў Беларусь праходзіць 26-30 сакавіка.
Сяргей Алейнік заявіў, што беларускі бок задаволены дынамікай развіцця адносін з гэтай афрыканскай краінай, якую у канцы студзеня наведаў з афіцыйным візітам Лукашэнка. Адкрыццё ж зімбабвійскага пасольства адлюстроўвае, маўляў, агульныя трэнды:
«Летась сетка нашых замежных устаноў была аптымізаваная. Мы скарацілі нашу прысутнасць у краінах Заходняй Еўропы і Паўночнай Амерыкі і павялічылі дыпламатычную прысутнасць у краінах так званай далёкай дугі», — заявіў Сяргей Алейнік.
Чытайце таксама:
Першая лэдзі Зімбабвэ прыедзе ў Беларусь