У Турцыі зноў адбыўся землятрус
Яго магнітуда склала 5,3 бала.
24.03.2023 / 08:32
Наступствы землятрусу ў Турцыі. Фота: AP Photo/Emrah Gurel
На гэты раз стыхія закранула паўднёва-ўсходнюю правінцыю Кахраманмараш. Паведамленняў аб ахвярах і пацярпелых не паступала.
Ва ўпраўленні па прадухіленні і ліквідацыі наступстваў надзвычайных сітуацый Турцыі адзначылі, што эпіцэнтр штуршкоў знаходзіўся ў раёне Гексун. Адзначаецца, што ачаг залягання размешчаны на глыбіні сем кіламетраў.
У пачатку лютага ў Турцыі адбыўся землятрус магнітудай 7,7 бала, які пацягнуў за сабой маштабныя разбурэнні і дзясяткі тысяч ахвяр. Потым адбыўся яшчэ адзін землятрус. Колькасць ахвяраў землятрусаў склала 50 тысяч чалавек.
Чытайце таксама:
Трох чалавек дасталі з-пад завалаў у Турцыі праз 13 дзён пасля землятрусу