Vykładčyka Połackaha ŭniviersiteta aštrafavali za «pikiet» u fejsbuku
Jak stała viadoma «Viciebskaj Viaśnie», sud Navapołacka 8 lutaha pryznaŭ vykładčyka Połackaha dziaržuniviersiteta Alaksandra Kamka vinavatym u praviadzieńni pikieta i aštrafavaŭ jaho na 3700 rubloŭ.
23.03.2023 / 18:25
Padčas sudovaha pasiadžeńnia było ŭstanoŭlena, što Alaksandr Mikałajevič biez atrymańnia dazvołu miascovych uładaŭ nibyta «pryniaŭ udzieł u niesankcyjanavanym masavym mierapryjemstvie — pikietavańni». Jak «pikietavańnie» była kvalifikavanaja publikacyja ŭ sacsietcy svajho fota z vyjavaj ściaha Ukrainy i BČB-simvoliki.
Mužčyna svajoj viny ŭ «pikietavańni» nie pryznaŭ, choć samoha fakta raźmiaščeńnia fatahrafii nie admaŭlaŭ.
Adnak suddzia pryjšła da vysnovy, što fotazdymak, maŭlaŭ, raźmieščany vykładčykam univiersiteta z metaj pryciahnieńnia ŭvahi inšych hramadzian da padziej va Ukrainie, tamu heta pikiet.