Пʼяны віцяблянін з пнеўматыкі абстраляў дзверы аддзела прымусовага выканання
Дзве кулі трапілі ў дзверы аддзела прымусовага выканання ў Віцебску.
23.03.2023 / 11:56
Высветлілася, што падчас застолля гаспадар кватэры пахваліўся пнеўматычным пісталетам перад госцем. Госць папрасіў пастраляць са зброі.
Выйшаўшы на балкон мужчына прыцэліўся і зрабіў два стрэлы ў бок дзвярэй. Яна знаходзілася на адлегласці прыкладна 20 метраў, а таму віцяблянін лёгка трапіў па мішэні.
Міліцыянтам мужчына распавёў, не зʼяўляецца даўжніком і ніякіх праблем са службовымі выканаўцамі не меў. Ён думаў, што страляе па краме. У дачыненні да віцябляніна распачатая крымінальная справа за хуліганства. Таксама яму трэба будзе выплаціць шкоду ў памеры 700 рублёў.