Пад Брэстам трактар сутыкнуўся з пасажырскім цягніком
У сераду каля 18.00 на чыгуначным пераездзе ў раёне чыгуначнай станцыі Дамачава Брэсцкага раёна пасажырскі цягнік «Брэст — Уладава» сутыкнуўся з трактарам «Беларус» з навясным абсталяваннем, паведамляе мясцовае УУС.
22.03.2023 / 22:31
Кіраваў трактарам жыхар Брэсцкага раёна 1960 года нараджэння. Паводле папярэдняй інфармацыі, ён праехаў на чырвоны сігнал святлафора.
У выніку сутыкнення трактар перакуліўся, але абышлося без чалавечых ахвяр. Пашкоджаныя чатыры рэйкавыя шпалы.
Чыгуначны рух ужо адноўлены, праводзіцца праверка.