70-hadovaha piensijaniera-«terarysta» Vasila Dziemidoviča buduć sudzić treci raz
U sudzie Drahičynskaha rajona 23 sakavika pačnuć razhladać spravu palitźniavolenaha piensijaniera Vasila Dziemidoviča. Jamu inkryminujuć art. 369 KK (abraza pradstaŭnika ŭłady). Praces budzie vieści suddzia Lavoncij Stankievič.
22.03.2023 / 09:55
Raniej Dziemidoviča asudzili da šaści hadoŭ pazbaŭleńnia voli, abvinavaciŭšy jaho ŭ abrazach pradstaŭnika ŭłady, suddzi, Alaksandra Łukašenki i ŭ arhanizacyi masavych biesparadkaŭ. Paźniej mužčynu dadali jašče paŭhoda źniavoleńnia pa novaj spravie — hetym razam jaho abvinavacili pavodle art. 369 Kryminalnaha kodeksa (abraza pradstaŭnika ŭłady).
U kancy červienia KDB unios Vasila Dziemidoviča ŭ «terarystyčny śpis» — ciapier jon samy pažyły biełarus-«teraryst». Praz heta jamu nielha rabić hrašovyja pieravody, a padtrymlivać mužčynu niama kamu.
Padtrymajcie Vasila: IČU Drahičynskaha RAUS. 225612, Bresckaja vobł., Drahičyn, Kamsamolskaja 1, Vasil Ivanavič Dziemidovič.