Palaki bajacca, što adnaŭleńnie pramych avijaznosin pamiž Tehieranam i Minskam robicca dla dastaŭki mihrantaŭ
Dziaržsakratar kancylaryi premjera Polščy Stanisłaŭ Žaryn zajaviŭ, što maršrut nielehalnaj mihracyi ź Biełarusi na Zachad zastajecca aktyŭnym. Rasija i Biełaruś, maŭlaŭ, praciahvajuć vieści hibrydnuju apieracyju, nakiravanuju na destabilizacyju Jeŭropy, i anansavanaje adnaŭleńnie pavietranych znosin pamiž Minskam i Tehieranam maje hetamu spryjać.
21.03.2023 / 22:15
Fota: gov.pl
Žaryn źviarnuŭ uvahu, što biełaruskija praŭładnyja SMI ciapier anansujuć adkryćcio novych avijaznosin z Tehierana ŭ Minsk, a da taho ž iranskija avijakampanii buduć vykonvać bolš rejsaŭ u Rasiju.
Źviartajučy ŭvahu, što rašeńni byli pryniatyja paśla vizitu Łukašenki ŭ Tehieran, polski čynoŭnik kvalifikuje ich jak sproby zapuścić novyja mihracyjnyja pracesy i pryvieści da aktyvizacyi hibrydnaj apieracyi z vykarystańniem mihrantaŭ.
Pavodle jaho, Rasija ŭžo šmat hadoŭ vykarystoŭvaje mihracyjny cisk dla dziejańniaŭ suprać roznych krain Jeŭropy. Heta rasijskija stratehi razhladajuć jak adzin ź instrumientaŭ nievajennaj dziaržaŭnaj ahresii.
Čytajcie taksama:
Adnovicca avijazłučeńnie ź Iranam. Ci ryzyknie Łukašenka paŭtaryć ataku mihrantami?
Samalot ź Minska ŭ Tehieran budzie lotać dva razy na tydzień