«У чалавека вельмі дзіўны парык, ён кідаецца ў вочы» — Азараў пра гродзенскага «тэрарыста»
Кіраўнік «Байпол» Аляксандр Азараў пракаментаваў Радыё Свабода відэа на тэлеканале «Беларусь-1» пра нібыта ліквідацыю ў Горадні «тэрарыста».
21.03.2023 / 13:54
З ягоных словаў, аператыўныя здымкі робяцца не так.
«Як правіла, здымаюць здалёк, а тут камера хіба што не да твару прыстаўленая. Нібыта нехта ідзе побач і здымае. Усё рабілася на вельмі блізкай адлегласці, такога не бывае. І калі з машыны вылазіць, то буйным планам усё», — заўважае Азараў.
Ён разважае, што кватэру маглі разграміць дзеля такой справы.
«У МУС нічога не ведаюць пра гэтую справу. Гэта дзіўна, бо ў такіх выпадках па краіне абвяшчаюць план перахопу, антытэрор, ідзе ўзмацненне, усе са зброяй сядзяць і чакаюць. А тут жа цішыня і спакой, нібыта знялі фільм і з'ехалі проста», — дадаў былы беларускі сілавік.
Чытайце таксама:
У Гродне быў забіты чалавек з падробным расійскім пашпартам — дзяржСМІ