U Maskvie pryjšli ź pieratrusami da supracoŭnikaŭ «Miemaryjała»
U samim tavarystvie zajavili pra pieratrusy ŭ staršyni praŭleńnia Jana Račynskaha, sustaršyni Aleha Arłova, historyka Mikity Piatrova, maci supracoŭnicy arhanizacyi Alaksandry Palivanavaj — Maryny, zachavalnicy archiva Iryny Astroŭskaj, a taksama ŭ supracoŭnic Haliny Jardanskaj i Aliny Kazłovaj.
21.03.2023 / 09:03
Staršynia praŭleńnia «Miemaryjała» Jan Račynski padčas atrymańnia Nobieleŭskaj premii ŭ Osła 10 śniežnia 2022 hoda. Fota: Markus Schreiber / AP
Pieratrusy prachodziać pa spravie ab «Reabilitacyi nacyzmu», jakuju raspačali na pačatku sakavika: śledstva ličyć, što pravaabaroncy ŭnosili nacysckich złačyncaŭ u śpisy niezakonna represavanych asob.
SK zavioŭ spravu ab reabilitacyi nacyzmu (art. 354.1 KK) u dačynieńni da «Miemaryjała» na pačatku sakavika. Spravu raspačali suprać jaho nieŭstanoŭlenych supracoŭnikaŭ, śledstva zapadozryła ich u tym, što jany «pryraŭnoŭvali kałabaracyjanistaŭ da achviar palityčnych represij i raspaŭsiudžvali zahadzia iłžyvyja źviestki ab dziejnaści SSSR u hady Druhoj suśvietnaj vajnie z vykarystańniem srodkaŭ masavaj infarmacyi».
«Miemaryjał» u 2022 hodzie atrymaŭ razam ź biełarusam Alesiem Bialackim nobieleŭskuju premiju mira. U Rasii arhanizacyja pryznanaja zamiežnym ahientam i likvidavanaja.
Čytajcie taksama: