Za sutki amal nijakaj aficyjnaj infarmacyi pra stralaninu ŭ Hrodnie
Užo sutki niama nijakich padrabiaznaściaŭ, kaho, za što i jak zabili supracoŭniki KDB u domie pa vulicy Kurčatava, 5 u Hrodnie.
20.03.2023 / 11:35
Skryn videa, jaki źniali vidavočcy na vulicy Kurčatava, 5 u Hrodnie
Na hety momant na sajtach Hrodzienskaha abłasnoha i harvykankamaŭ — ni słova pra stralaninu i zabojstva zamiežnika. Jak niama ni słova pra incydent u domie kiraŭnika abłasnoj viertykali Uładzimira Karanika.
KDB učora abmiežavałasia hučnym paviedamleńniem, što «padčas praviadzieńnia śpiecyjalnych mierapryjemstvaŭ pa spynieńni dziejnaści asob, jakija pranikli na terytoryju Respubliki Biełaruś z metaj ździajśnieńnia terarystyčnaj akcyi, 19 sakavika 2023 hoda ŭ Hrodnie na vuł. Kurčatava likvidavany zamiežny hramadzianin Ł. Hetaja asoba z vykarystańniem aŭtamatyčnaj zbroi i šlacham padryvu bajavych hranat akazała ŭzbrojeny supraciŭ bajcam śpiecpadraździaleńnia KDB, hrupa «A».
Taksama ŭčora stała viadoma pra vialikuju kolkaść siłavikoŭ kala doma staršyni Hrodzienskaha abłvykankama. Tudy pryjechała milicyja, słužby raźminavańnia z sabakami. Nijakich aficyjnych kamientaroŭ nakont hetaha nie było.