Amal paŭtysiačy zamiežnikam vydali biełaruskaje hramadzianstva. Siarod ich — vychadcy z Ukrainy, Kazachstana, Sudana
Biełaruskaje hramadzianstva dali 422 čałaviekam, u tym liku 60 niepaŭnaletnim.
17.03.2023 / 22:34
Adpaviedny ŭkaz № 69 padpisaŭ 17 sakavika Alaksandr Łukašenka.
Zajavy ab pryjomie ŭ hramadzianstva zadavolili vychadcam z 25 krain śvietu: Ałžyra, Armienii, Vjetnama, Indyi, Iraka, Jemiena, Kazachstana, Livana, Livii, Polščy, Siryi, Sudana, Turcyi, Uźbiekistana, Ukrainy i inšych.
Adnačasova pryniata rašeńnie ab adchileńni zajaŭ ab pryjomie ŭ hramadzianstva šerahu zamiežnych hramadzian, jakija nieadnarazova parušali zakony Biełarusi, a taksama doŭhi čas nie pracavali.
Paśla žniŭnia 2021 hoda biełaruskaje hramadzianstva dali 8149 asobam, u tym liku 5963 hramadzianam Ukrainy, paviedamlaje BiełTA.