«Abstaviny nie dazvalajuć pryniać inšaje rašeńnie». Hiermanija admoviłasia prymać spabornictva z-za dopusku da jaho rasijanak i biełarusak
Hiermanija admoviłasia prymać etap žanočaha Kubka śvietu pa fiechtavańni z-za dopusku da spabornictvaŭ spartśmienaŭ ź Biełarusi i Rasii. Prezidyum Fiederacyi fiechtavańnia Hiermanii (DFB) prainfarmavaŭ pra heta Suśvietnuju fiederacyju fiechtavańnia (FIE).
16.03.2023 / 21:34
Fota ilustracyjnaje
Etap Kubka śvietu pa fiechtavańni na rapirach siarod žančyn pavinien byŭ prajści ŭ mai ŭ horadzie Taŭbierbišafschajm. Ale nie projdzie.
«Dyskusii apošnich niekalkich dzion paśla pastanovy Kanhresa FIE znoŭ dazvolić udzieł Rasii i Biełarusi vyklikali haračyja dyskusii jak unutry krainy, tak i za jaje miežami», — patłumačyła kiraŭnica Fiederacyi fiechtavańnia Hiermanii Kłaŭdyja Bokiel.
«My chočam pasłać vyrazny sihnał, što my addali b pieravahu inšamu vyniku i što my ŭsio jašče bačym vialikuju kolkaść adkrytych pytańniaŭ pa realizacyi, taksama z boku suśvietnaj fiederacyi, jakija robiać niemahčymym praviadzieńnie turniru… Jak by nam ni chaciełasia pradstavić našych najlepšych spartśmienak niamieckaj publicy i dać im mahčymaść vykarystoŭvać chatniuju pieravahu na šlachu da Alimpijskich hulniaŭ u Paryžy, abstaviny nie dazvalajuć pryniać inšaje rašeńnie».
10 sakavika na pazačarhovym kanhresie Mižnarodnaj fiederacyi fiechtavańnia było pryniata rašeńnie dazvolić spartśmienam ź Biełarusi i Rasii ŭdzielničać u spabornictvach pad ehidaj fiederacyi. Za rašeńnie prahałasavali 89 čałaviek, suprać — 46.
U Mižnarodnaj fiederacyi fiechtavańnia tradycyjna mocnyja rasijskija ŭpłyvy, šmat hadoŭ jaje ŭznačalvaŭ viadomy rasijski aliharch Ališer Usmanaŭ.
Čytajcie taksama: