U Minsku asudzili čarhovaha ŭdzielnika maršu rabotnikaŭ MTZ ŭ 2020 hodzie
U sudzie Partyzanskaha rajona Minska razhledžanaja kryminalnaja sprava rabotnika liciejnaha cecha MTZ Dzianisa Pučaka, adnaho z udzielnikaŭ šeścia traktarazavodcaŭ u žniŭni 2020 hoda.
16.03.2023 / 13:55
Jaho abvinavacili ŭ aktyŭnym udziele ŭ hrupavych dziejańniach, jakija hruba parušajuć hramadski paradak pavodle č. 1 art. 342 Kryminalnaha kodeksa, paviedamlaje «Viasna».
Spravu razhladaŭ suddzia Michaił Makarevič.
Dzianisa Pučaka zatrymali 22 listapada 2022 hoda i da suda źmiaścili ŭ SIZA-1 Minska.
Pavodle materyjałaŭ abvinavačańnia, Dźmitryj razam z mnohimi pracaŭnikami MTZ 14 žniŭnia 2020 hoda pryniaŭ udzieł u šeści rabočych u centr Minska. Znachodziačysia na vulicy Daŭhabrodskaj, parušaŭ hramadski paradak, pieraškadžaŭ pracy hramadskaha transpartu, nie reahavaŭ na zakliki supracoŭnikaŭ milicyi spynić supraćpraŭnyja dziejańni.
28 lutaha sud pryznaŭ Dzianisa Pučaka vinavatym i vynies pakarańnie ŭ vyhladzie abmiežavańnia voli biez nakiravańnia ŭ PUAT terminam na dva hady i šeść miesiacaŭ.
Jaho vyzvalili z-pad aryštu adrazu paśla abviaščeńnia prysudu.