Полацкага актывіста Віктара Стукава арыштавалі на 15 сутак
Актывіста Свабоднага прафсаюза беларускага Віктара Стукава затрымалі ўчора ў Полацку, а сёння суддзя Уладзімір Бясецкі прызнаў яго вінаватым у «распаўсюдзе экстрэмісцкіх матэрыялаў» і арыштаваў на 15 сутак, піша «Вясна».
15.03.2023 / 23:08
Віктар і Святлана Стукавы
Жонку актывіста Святлану Стукаву затрымалі 27 лютага проста на працы. 1 сакавіка полацкая суддзя Яніна Марцулевіч прызнала Святлану вінаватай і асудзіла таксама да 15 сутак арышту. Падставай для адміністрацыйнай справы стала падпіска жанчыны ў фэйсбуку на BySol. Учора жанчына выйшла на волю.
Віктара Стукава неаднаразова затрымлівалі і раней: у снежні 2020 года і ў верасні 2022-га.