Iran pastavić u Biełaruś 45 tysiač aŭtamabilaŭ. Ale ŭ asnoŭnym dla Rasii
Ministr handlu, pramysłovaści i šachtaŭ Irana Siejed Reza Fatemi Amin paviedamiŭ 15 sakavika ab zaklučeńni pahadnieńnia ab eksparcie ŭ Biełaruś u najbližejšyja try hady 45 tys. aŭtamabilaŭ, piša Office Life.
15.03.2023 / 18:24
Fota: Saipa
Pavodle słoŭ ministra, suma kantrakta składaje 450 młn dalaraŭ. Heta značyć, adna mašyna abydziecca ŭ siarednim u $10 tys. Havorka idzie pra pastaŭki aŭtamabilaŭ iranskaha vytvorcy Saipa.
U pieršy hod płanujecca pastavić 10 tysiač aŭtamabilaŭ, u druhi — 15 tysiač, a ŭ treci — 25 tysiač.
Ale Biełarusi takoha abjomu nie treba, tamu tut płanujecca pradavać tolki ad 500 da 1000 iranskich mašyn u hod. Astatnija aŭtamabili pojduć na rasijski rynak.
Čytajcie taksama:
Łukašenka damoviŭsia ŭ Iranie pra ŭzajemnaje pryznańnie chalalnaj pradukcyi
Prezident Irana paabiacaŭ padzialicca ź Biełarussiu dośviedam abychodzić sankcyi
Nieŭzabavie adnoviać pavietranaje złučeńnie Biełarusi ź Iranam