U barysaŭskim BATE praviali ideałahičnuju čystku — «Trybuna»
Hałkipier Dzianis Ščarbicki, abaronca Daniła Niačajeŭ, paŭabaronca Dźmitryj Biaśśmiertny zvolnienyja z BATE. Akramia taho, kapitan Stanisłaŭ Drahun i vopytny hulec abarony Maksim Bardačoŭ nie majuć kantraktaŭ z kłubam, choć futbalisty praviali pieradsiezonku ŭ kamandzie, paviedamlaje «Trybuna».
14.03.2023 / 16:49
Pavodle źviestak vydańnia, Niačajeŭ i Biaśśmiertny prymali ŭdzieł u pieršym matčy 1/4 finału Kubka Biełarusi suprać «Biełšyny», a voś na matč u adkaz futbalisty zajaŭlenyja ŭžo nie byli. Abodva, darečy — padpisanty praŭładnaha lista spartśmienaŭ, ale heta im nie dapamahło.
U śniežni 2022-ha paviedamlałasia pra stvareńnie «čornaha śpisu» Minsportu jak minimum z 48 proźviščaŭ, u asnoŭnym z udzielnikaŭ videa suprać hvałtu ŭ vieraśni 2020-ha. Z fihurantami śpisu biełaruskim kłubam było zabaroniena zaklučać kantrakty.
Paźniej stała viadoma, što z hetaha pieraliku robiacca vybaračnyja vyklučeńni, na što mohuć paŭpłyvać prašeńni kiraŭnikoŭ kłubaŭ i ŭdzieł u režymnych mierapryjemstvach. Niekatorym hulcam, adnak, nie dapamahaje i heta.
Čytajcie taksama: