У Мінску закрываецца кавярня Blur
Інфармацыю пра закрыццё ўстановы паведаміла яго адміністрацыя ў інстаграме.
13.03.2023 / 16:22
Фота: blur_cafe / Instagram
«Мы прымаем эстафету ад калег і паведамляем, што гісторыя праекта Blur па адрасе Незалежнасці, 34 завяршаецца», — напісалі ўладальнікі ў сацсетках.
Яны падзякавалі ўсім, хто прымаў удзел у жыцці або стварэнні кафейні, а таксама сваім гасцям.
Фота: blur_cafe / Instagram
«Не страшна заставацца ў памяці праектам, які любілі. Для ўсіх людзей, якія прымалі ў ім удзел, ён запомніўся розным, для кагосьці — такім, як на фота, дзе мора сонечнага святла і дзе мы з радасцю сустракалі першых гасцей», — напісана ў пасце.
Меркаваны апошні дзень працы кафэ — 27 сакавіка.