U Hrodzienskim zaaparku lemuraŭ ratujuć ad zimovaj markoty z dapamohaj čarapach
Lemury — žyvioły ciepłalubivyja. Z nadychodam chaładoŭ jany adpraŭlajucca zimavać va ŭnutrany valjer i zastajucca tam da viasny i pačynajuć markocicca. Ale supracoŭniki Hrodzienskaha zaaparka prydumali dla ich leki.
11.03.2023 / 19:22
Lemuram, ruchavym i dapytlivym žyviołam, znachodžańnie ŭ zamknionaj prastory dajecca niaprosta. Šmat čaho supracoŭniki zaaparku pierasprabavali, kab ich paciešyć, ale samymi efiektyŭnymi lekami ad zimovaj markoty dla ich stała padsialeńnie ŭ valjer dvuch stepavych čarapach.
«Spačatku prymaty pastavilisia da navasiołaŭ z vialikim padazreńniem, ale praz niekalki dzion pryvykli da ich i navat pasiabravali. Ciapier lemury ŭžo biez bojazi padychodziać da čarapašak, padoŭhu nazirajuć za imi, čapajuć łapkami pancyr i navat padkradajuć ježu ŭ svaich marudlivych susiedak», — raspaviali ŭ zaaparku.
Tam taksama adznačyli, što sa źjaŭleńniem novych susiedziaŭ lemury Hłobus, Santa i Šery pierastali sumavać.