Турцыя раптоўна спыніла транзіт санкцыйных грузаў у Расію. Мытная сістэма блакуе іх афармленне
Такі крок стаў нечаканасцю для рынку, распавялі «Камерсант FM» яго ўдзельнікі, якія тэрмінова шукаюць альтэрнатыўныя маршруты. Па іх словах, затрымаліся менавіта санкцыйныя тавары, якія ідуць у Расію праз паралельны імпарт.
09.03.2023 / 17:15
Спыненне транзіту санкцыйных грузаў некаторыя суразмоўцы «Камерсант FM» звязваюць з нядаўнім візітам у Турцыю дзяржсакратара ЗША Энтані Блінкена. Ціск аказваюць і на Аб'яднаныя Арабскія Эміраты. Яны сталі цэнтрам пастаўкі электронікі ў Расію пасля ўвядзення заходніх санкцый.