Зяленскі падтрымаў пратэстоўцаў Грузіі, а ў Батумі спяваюць украінскі гімн
Прэзідэнт Украіны Уладзімір Зяленскі ў вячэрнім відэазвароце пракаментаваў пратэсты ў Грузіі і падзякаваў пратэстоўцам, якія выйшлі на вуліцы з украінскімі сцягамі.
09.03.2023 / 01:04
Налепкі з украінскім і грузінскім сцягам лепяць пратэстоўцы ў Тбілісі на паліцэйскія шчыты. Скрыншот з відэа
«Я хачу падзякаваць усім, хто днямі на плошчах і вуліцах Грузіі трымаў украінскія сцягі. Хачу падзякаваць за наш нацыянальны гімн, які гучаў у Тбілісі. Гэта павага да Украіны, і я хачу выказаць шчырую павагу Грузіі», — сказаў прэзідэнт Украіны.
«Мы хочам быць у Еўрасаюзе — і будзем. Мы хочам, каб Грузія была ў Еўрасаюзе, і я ўпэўнены — будзе. Мы хочам, каб Малдова была ў Еўрасаюзе, і я ўпэўнены — будзе. Гэтага заслугоўваюць усе свабодныя народы Еўропы», — адзначыў Зяленскі.
Тым часам у Батумі грузіны пратэстуюць пад украінскі гімн.