Biełaruś zajmaje treciaje miesca ŭ śviecie pa kolkaści žurnalistak za kratami
U Mižnarodny žanočy dzień mižnarodnaja arhanizacyja «Reparciory biez miežaŭ» (RSF) zaklikała da nieadkładnaha i biezumoŭnaha vyzvaleńnia žančyn-žurnalistak, jakija znachodziacca ŭ źniavoleńni pa ŭsim śviecie. A zaadno pryviała sumnuju statystyku.
08.03.2023 / 23:26
Maryna Zołatava, adna z 10 žurnalistak, jakija ciapier źniavolenyja łukašenkaŭskim režymam
Pavodle baromietra svabody presy RSF, z 550 žurnalistaŭ i rabotnikaŭ SMI, jakija ciapier znachodziacca ŭ źniavoleńni pa ŭsim śviecie, 73 žančyny, i hetaja dola (13%) za apošnija piać hadoŭ padvoiłasia.
Žančyny-žurnalistki stali achviarami pieraśledu ŭ 14 krainach śvietu, asabliva ŭ Kitai (21 žurnalistka znachodzicca ŭ turmie), Iranie (12), Biełarusi (10), Vjetnamie (4) i Turcyi (4).
U Biełarusi, pa źviestkach pravaabaroncaŭ, u miescach źniavoleńnia znachodziacca ciapier 155 žančyn-palitviaźniaŭ. Ahułam ža za pratesty suprać Łukašenki i vajny va Ukrainie na pazbaŭleńnie i abmiežavańnie voli asudzili nie mienš jak 534 žančyn.