Litva viarnuła ŭ Biełaruś try dziasiatki vahonaŭ «Łukojła»
Litva nie prapuściła na svaju terytoryju 32 vahony z pradukcyjaj rasijskaj kampanii «Łukojł» i pryniała rašeńnie viarnuć ich u Biełaruś. Pra heta paviedamlaje vydańnie Delfi.lt. Incydent adbyŭsia ŭ noč z 7 na 8 sakavika.
08.03.2023 / 19:03
Fota ilustracyjnaje
Jak rastłumačyŭ dyrektar Litoŭskaj čyhunki, na hetyja 32 vahony raspaŭsiudžvajucca mižnarodnyja sankcyi. Pryčym čyhunačny sastaŭ z pradukcyjaj «Łukojła» nakiroŭvaŭsia ŭ Kalininhradskuju vobłaść Rasii, adnak na miažy z Litvoj ich usio adno admovilisia prapuścić i viarnuli ŭ Biełaruś.
U viedamstvie adznačyli, što pa dakumientach 25 fiktyŭnych vahonaŭ «Łukojła» pavinny byli prajści praz jeŭrapiejskuju krainu tranzitam, bo realizoŭvać pradukcyju pavinny byli na ekspart.
Taksama ŭ hety samy čas jašče siem vahonaŭ «Łukojła» pasprabavali dastavić u horad Maryjampale, adnak ich taksama viarnuli ŭ Biełaruś.
Na hety momant jašče try cysterny z pradukcyjaj zatrymanyja. Litva pakul nie vyrašyła, što ź imi rabić.
Apošnim časam litoŭskija ŭłady vyrazna zaśviedčyli surjoznaść svaich namieraŭ nie na słovach, a na spravie pastavić zasłonu rasijskim i biełaruskim šerym schiemam, skiravanym na abychod zachodnich sankcyj.
Čytajcie taksama:
Litoŭski bizneśmien pakajaŭsia, što dapamahaŭ «Hrodna Azotu» abychodzić sankcyi