Brytanskaja raźviedka: rasijanie pierakidvajuć na front sastarełyja T-62 i BTR-50
Rasijskija vajskoŭcy praz stratu istotnaj kolkaści ciažkaj bronietechniki va Ukrainie vymušanyja zadziejničać asnoŭnyja bajavyja tanki T-62, piša Ministerstva abarony Vialikabrytanii.
06.03.2023 / 11:56
Fota: mil.in.ua
Z minułaha leta z zachoŭvańnia byli źniatyja prykładna 800 tankaŭ T-62. Niekatoryja ź ich atrymali madernizavanyja sistemy prycelvańnia, jakija, chutčej za ŭsio, padvysiać ich efiektyŭnaść u načny čas.
Jość vierahodnaść, što navat častki hałoŭnaha tankavaha złučeńnia ŭ rasijskaj armii — 1-j hvardziejskaj tankavaj armii —buduć vykarystoŭvać T-62, kab kampiensavać papiarednija straty.
Raniej mierkavałasia, što jany jašče ŭ 2021 hodzie atrymajuć asnoŭnyja bajavyja tanki novaha pakaleńnia T-14 «Armata».
U apošnija dni va Ukrainie ŭpieršyniu byli zaŭvažany rasijskija bronietransparciory BTR-50, upieršyniu ŭziatyja na ŭzbrajeńnie jašče ŭ 1954 hodzie.
Jak adznačajecca ŭ spravazdačy, hetaja technika budzie ŭraźlivaja na poli boju, u tym liku z-za adsutnaści sučasnaj reaktyŭnaj broni.