Nočču Rasija ździejśniła ataku dronami pa Ukrainie
Amal usie atrymałasia źbić.
06.03.2023 / 10:30
13 z 15 bieśpiłotnikaŭ-kamikadze «Šachied», zapuščanych rasijskimi vajskoŭcami nad Ukrainaj, byli źniščanyja ŭ noč na 6 sakavika. Pra heta ŭ efiry adzinaha telemarafonu paviedamiŭ pres-sakratar kamandavańnia VPS Uzbrojenych sił Ukrainy Juryj Ihnat.
«Z paŭnočnaha napramku byli zapuščanyja bieśpiłotnyja latalnyja aparaty-kamikadze iranskaj vytvorčaści Shahed-136/131. Papiarednie byli zapuščanyja 15 takich BPŁA, 13 ź ich byli źniščany srodkami SPA roznymi ahniavymi sposabami», — skazaŭ Ihnat.
Rasijanie atakavali z poŭnačy bieśpiłotnikami centralnyja i ŭschodnija rehijony Ukrainy, dadaŭ Ihnat.