10 hadoŭ. Vyniesieny haniebny prysud nobieleŭskamu łaŭreatu Alesiu Bialackamu
Suddzia Maryna Zapaśnik vyniesła siońnia žorstkija prysudy pravaabaroncam «Viasny».
03.03.2023 / 12:09
Staršyni «Viasny» i nobieleŭskamu łaŭreatu Alesiu Bialackamu — 10 hadoŭ kałonii.
Namieśniku staršyni «Viasny» i vice-prezidentu FIDH Valancinu Stefanoviču — 9 hadoŭ kałonii.
Kaardynataru kampanii «Pravaabaroncy za svabodnyja vybary» Uładzimiru Łabkoviču — 7 hadoŭ kałonii.
Pravaabaroncu «Viasny» Dźmitryju Sałaŭjovu — 8 hadoŭ kałonii zavočna.
Pravaabaroncaŭ abvinavacili pavodle č. 4 art. 228 (kantrabanda arhanizavanaj hrupaj) i č. 2 art. 342 Kryminalnaha kodeksa (finansavańnie hrupavych dziejańniaŭ, jakija hruba parušajuć hramadski paradak).
Troje viasnoŭcaŭ utrymlivajucca pad vartaj z 14 lipienia 2021 hoda.
Pa spravie ŭsiaho 283 tamy materyjałaŭ pa 300 staronak — heta rekord pa palityčnaj spravie, pa jakoj prachodzić kala 100 śviedak, było praviedziena 120 pieratrusaŭ pa ŭsioj krainie.
Letaś pravaabaronca Aleś Bialacki staŭ łaŭreatam Nobieleŭskaj premii miru razam z pradstaŭnikami pravaabarončych arhanizacyj «Miemaryjał» z Rasii i «Centr hramadzianskich svabod» z Ukrainy. Jon nie zmoh trapić na cyrymoniju — pramovu Bialackaha na ŭručeńni «Nobiela» začytała jaho žonka.