Biełaruskuju kampaniju ŭnieśli ŭ «čorny śpis» Minhandlu ZŠA
ZŠA ŭviali ekspartnyja abmiežavańni suprać 37 kampanij, siarod ich jość i biełaruskaja firma.
03.03.2023 / 08:56
U Fiederalnym rejestry apublikavany dakumient Ministerstva handlu ZŠA ab uviadzieńni ekspartnych abmiežavańniaŭ suprać 37-i kampanij z Rasii, Kitaja, Tajvania, Pakistana i Biełarusi, źviarnuŭ uvahu @motolkohelp.
Pad abmiežavańni trapiła biełaruskaja kampanija «DMT Trejdynh». Śćviardžajecca, što jana, a taksama zarehistravanaja ŭ Rasii DMT Electronics i Neotec Semiconductor, jakaja bazujecca na Tajvani, unosiać «značny ŭkład» u raźvićcio Uzbrojenych sił RF i rasijskaha vajskova-pramysłovaha kompleksu.
Infarmacyja na sajcie kampanii havoryć, što jana zjaŭlajecca pastaŭščykom elektronnych kampanientaŭ i vymiaralnaj techniki, a taksama zajmajecca prajektavańniem i kamplektavańniem mietrałahičnych łabaratoryj i vyprabavalnych centraŭ.