«Lepš, čym apynucca ŭ turmie». Dvaravyja aktyvisty prapanavali svaju viersiju, jak vydalić historyju achviaravańniaŭ praz Facebook
«Kaalicyja pratesnych dvaroŭ» padrychtavała padrabiaznuju instrukcyju, jakaja dapamoža pazbavicca historyi achviaravańniaŭ praz Facebook. «Jak by składana ni vyhladała instrukcyja, heta lepš, čym apynucca ŭ turmie», — pišuć aktyvisty.
01.03.2023 / 09:39
Pa mierkavańni «Kaalicyi pratesnych dvaroŭ» (KPD), adziny šlach — heta vydalić akaŭnt, ačyścić kešy i stvaryć novy akaŭnt. A na vyklikach na «hutarki» pra achviaravańni adkazvać, što vy va ŭpor nie pamiatajecie, što niešta achviaravali, i nie śviedčyć suprać siabie.
1. Zarehistrujcie novy «čysty» e-mail
- Adkryjcie braŭzier u režymie «inkohnita» (heta vielmi važny punkt!) i lepš nie zakryvajcie hetuju staronku da zaviaršeńnia pracesu.
- Zajdzicie na staronku rehistracyi ŭ Proton abo Tutanota. Abodva servisy padtrymlivajuć biaspłatnyja taryfnyja płany.
- Prydumajcie sabie łohin i parol, nie źviazanyja z vami, i zapišycie ich, ale tak, kab lohka było ich «zabyć» paśla. Lepš adrazu zrabić ich takimi, kab ich ciažka było zapomnić.
- Admoŭciesia ad pryviazki reziervovaj pošty i numara telefona.
- Zaviaršycie rehistracyju, panaciskaŭšy na «pryvitalnyja» knopki.
2. Pryviažycie navastvorany e-mail da Facebook
- Naciśnicie na fota profilu ŭ pravym vierchnim vuhle Facebook.
- Abiarycie «Nałady i kanfidencyjalnaść», a paśla naciśnicie punkt «Nałady».
Paśla naciskańnia na punkt «Nałady i kanfidencyjalnaść» naciśnicie «Nałady»
- Na ŭkładcy «Ahulnyja» abiarycie «Kantaktnaja infarmacyja», naciśnicie «Źmianić».
Źniešni vyhlad mieniu na kampjutary. Tam ža treba nacisnuć «Dadać inšy elektronny adras»
- Naciśnicie «Dadać inšy elektronny adras abo numar mabilnaha telefona», uviadzicie tolki što zarehistravany e-mail, a paśla naciśnicie «Dadać».
- Uviadzicie vaš parol Facebook, naciśnicie «Adpravić», a paśla — «Zakryć».
Akienca, u jakim treba pacvierdzić parol
- Na vaš Proton abo Tutanota dašluć list z pacviardžeńniem dadavańnia adrasa. Pierajdzicie pa spasyłcy ŭ hetym liście, kab pacvierdzić, što vy chočacie dadać hety elektronny adras u akaŭnt Facebook.
3. Vydalicie inšyja e-mail'y z profilu
- Zajdzicie ŭ mieniu «Nałady i kanfidencyjalnaść», a paśla naciśnicie «Nałady», jak u minułym punkcie.
- Na ŭkładcy «Ahulnyja» abiarycie «Kantaktnaja infarmacyja».
- Naciśnicie «Vydalić» pobač z adrasam, jaki treba vydalić, — hety punkt zjavicca paśla dadavańnia novaha adrasa.
Naciśnicie «Vydalić» kala vašaha staroha adrasa
4. Vydalicie pryviazany da staronki numar telefona
- Zajdzicie ŭ mieniu «Nałady i kanfidencyjalnaść», a paśla naciśnicie «Nałady».
- Abiarycie «Mabilnyja pryłady» ŭ słupku ŭ levaj častcy ekrana.
Mieniu «Mabilnyja pryłady»
- Naciśnicie «Vydalić» pad numaram, jaki chočacie prybrać i abiarycie hałačku «Ja razumieju, što mahu zhubić dostup da svajho akaŭnta».
Tut vam treba rašycca na toje, što vy možacie zhubić vaš akaŭnt, i vydalić numar
- Naciśnicie «Vydalić numar» dla pacviardžeńnia.
Mieniu «Mabilnyja nałady» paśla vydaleńnia numara
5. Vydalicie Facebook-akaŭnt
- Znoŭku zajdzicie ŭ mieniu «Nałady i kanfidencyjalnaść» i abiarycie «Nałady».
- Naciśnicie «Vaša infarmacyja na Facebook» i dahartajcie da punkta «Deaktyvacyja i vydaleńnie» i naciśnicie «Pahladzieć».
Naciśnicie «Pahladzieć»
- Abiarycie «Vydaleńnie akaŭnta» i naciśnicie «Praciahnuć z vydaleńniem akaŭnta».
- Naciśnicie «Vydalić akaŭnt», uviadzicie parol i abiarycie «Praciahnuć». Akaŭnt vydaleny.
6. Pačyścicie keš
Zakryjcie fejsbuk i ŭsie adkrytyja braŭziery. Dalej pačyścicie keš vašych braŭzieraŭ. Vy možacie zrabić heta abo prosta z braŭziera, abo z dapamohaj starońniaj prahramy, naprykład, biaspłatnaj CCleaner. Taksama lepš vydalić i pieraŭstalavać nanova prahramu Facebook dla smartfonaŭ.
7. Zarehistrujcie novy akaŭnt
- Stvarycie akaŭnt nanova i pryviažycie da jaho toj numar, jaki byŭ pryviazany da vašaj vydalenaj staronki.
- Pryviažycie da akaŭnta vašu staruju paštovuju skryniu i ni ŭ jakim razie nie dadavajcie tudy «čysty» e-mail, jaki vy stvarali spačatku.
- Zabudźciesia pra vaš «čysty» e-mail i vydalicie parol ad jaho. Karystajciesia novym Facebook-akaŭntam.