Zialenski pakazaŭ svoj pakoj, dzie žyvie z pačatku vajny
Prezident Ukrainy Uładzimir Zialenski ŭpieršyniu pakazaŭ, dzie mienavita žyvie z pačatku poŭnamaštabnaha ŭvarvańnia Rasii na terytoryju Ukrainy.
25.02.2023 / 17:41
Skryny videa
U filmie ŭkrainskaha žurnalista Dźmitryja Kamarova Zialenski pravioŭ ekskursiju pa svajoj kvatery na Bankavaj u Administracyi prezidenta.
Hod tamu, ranicaj 24 lutaha, Zialenski adrazu nakiravaŭsia na Bankavuju. Paźniej da jaho pryjechali žonka z dziećmi, im było niebiaśpiečna zastavacca doma.
Z taho času Zialenski žyvie ŭ adnym z pakojaŭ AP. «Heta moj dom», — skazaŭ jon.
«U mianie było toje, u čym ja jeździŭ na front, u mianie tut nievialiki harderob. Tam adnolkavaje adzieńnie», — skazaŭ Zialenski, jaki ŭ pieršyja dni poŭnamaštabnaj vajny źmianiŭ dziełavy kaścium na rečy koleru chaki.
Zialenski pakazaŭ pinžak i skazaŭ, što vierniecca da jaho, kali budzie pieramoha Ukrainy.