Хакеры заявілі, што часткова паклалі партал Pravo.by
Хакеры з «Аб'яднанага штаба супраціву» заявілі, што зладзілі атаку на Нацыянальны прававы партал Беларусі Pravo.by ў знак пратэсту супраць Аляксандра Лукашэнкі і вайны ва Украіне. Скрыншот старонкі партала pravo.by, які не працуе, размясціў тэлеграм-канал «Аліса расказвае».
24.02.2023 / 19:48
У працы сайта сапраўды ёсць праблемы. Цяпер ён працуе ў Беларусі, але не адкрываецца з-за мяжы.
Хакеры папярэдзілі, што гэта не апошняя атака на беларускія дзяржаўныя сайты.
«Аб'яднаны штаб супраціву Мінска» ўпершыню заявіў пра сябе 16 жніўня мінулага года, узламаўшы сайт «Беларуськалія», а ў верасні мінулага года яны ўзламалі і сайт жодзінскага ААТ «БелАЗ».