Заробкі айцішнікаў за год упалі на 10%
У IT сярэдняя зарплата па краіне склала 6018,1 рубля, што на 10,7% менш, чым у студзені мінулага года, піша Reform.by.
24.02.2023 / 16:14
Гэта можа сведчыць пра адток менавіта высокакваліфікаваных ІТ-работнікаў з досведам.
Агулам сярэдняя намінальная налічаная зарплата (да выліку падаходнага падатку) па краіне ў студзені склала 1648,9 рубля. Яна абвалілася адразу на 230,7 рубля ў параўнанні са снежнем 2022 года. У студзені сярэдняя зарплата традыцыйна зніжаецца ў параўнанні з папярэднім месяцам, бо ў снежні многія прадпрыемствы выплачваюць гадавыя прэміі і бонусы.
У рэальным выражэнні, гэта значыць з улікам інфляцыі, у параўнанні са студзенем 2022 года прырост зарплаты склаў 1,6%.
У Мінску сярэдні заробак у студзені склаў 2309,4 рубля, што на 418,4 рубля менш, чым у снежні. У рэальным выражэнні за год сярэдняя зарплата ў Мінску знізілася на 2,7%.
Самай нізкай сярод рэгіёнаў была сярэдняя зарплата ў Магілёўскай вобласці — 1384,4 рубля, што ў рэальным выражэнні на 4,6% больш, чым у студзені 2022-га.