U centry Pieciarburha nieviadomy streliŭ u amapaŭca
U Piciery kala ŭvachoda ŭ mietro «Haściny dvor» nieviadomy streliŭ z abreza ŭ supracoŭnika AMAPa.
24.02.2023 / 13:25
Miesca zdareńnia. Fota: «Fantanka»
Pavodle źviestak «Fantanki», stralali karciečču z abreza. Ciapier padychody da stancyi mietro ačepleny, na miescy pracuje śledča-apieratyŭnaja hrupa. Strałok zatrymany. Supracoŭnika AMAPa špitalizavali z ciažkim ranieńniem u žyvot.
Śledčy kamitet raspačaŭ kryminalnuju spravu pa artykule ab zamachu na žyćcio supracoŭnika pravaachoŭnaha orhana (art. 317 KK RF).
U paviedamleńni SK havorycca, što padazravany ŭ napadzie — mužčyna 1972 hoda naradžeńnia.
Paranieny supracoŭnik budzie ŭznaharodžany, paviedamlaje pres-słužba Paŭnočna-Zachodniaj akruhi Rashvardyi.