U Minsku zahareŭsia cech na zavodzie «Motavieła»
Pra toje, što ŭ Minsku na terytoryi zavoda pa Partyzanskim praśpiekcie adbyvajecca zaharańnie ŭ cechu, paviedamiła MNS.
23.02.2023 / 20:16
Nazvu zavoda ratavalniki pieršapačatkova nie nazyvali, ale dym bačyli mienavita ŭ tym miescy, dzie znachodzicca «Motavieła».
«Na miescy pracujuć padraździaleńni MNS», — skazana ŭ paviedamleńni, apublikavanym u telehram-kanale Ministerstva pa nadzvyčajnych situacyjach.
Nieŭzabavie pažar na płoščy 200 kv. mietraŭ byŭ likvidavany. Ratavalniki z vytvorčaha korpusa evakujavali 25 čałaviek, paciarpiełych niama.
Pryčyny pažaru vyśviatlajucca.