Źnižajecca staŭka refinansavańnia
1 sakavika staŭka refinansavańnia źnižajecca z 11,5% da 11% hadavych. Adpaviednaje rašeńnie pryniataje praŭleńniem Nacyjanalnaha banka pa vynikach pasiadžeńnia pa hrašova-kredytnaj palitycy.
23.02.2023 / 12:41
Taksama staŭka pa kredycie oviernajt źnižajecca z 12,5% da 12% hadavych, staŭka pa depazicie oviernajt — z 10,5% da 10% hadavych.
«Inflacyjnyja pracesy, jak i čakałasia, praciahvajuć zapavolvacca. Hadavaja inflacyja ŭ studzieni 2023 hoda źniziłasia da 12% z 12,8% u śniežni 2022 hoda. Trendavaja inflacyja ŭpała da 9,2% z 10,2% adpaviedna. Tempy pryrostu spažyvieckich cen u apošnija miesiacy składvajucca na nizkich uzroŭniach. Heta spryjaje dalejšamu zapavoleńniu hadavoj inflacyi, jakaja, pavodle acenak, źnizicca da adnaznačnych značeńniaŭ užo da kanca I kvartała 2023 hoda», — havorycca ŭ paviedamleńni banka.
Papiaredni raz staŭka refinansavańnia źnižałasia miesiac tamu, 23 studzienia z 12 da 11,5 pracenta.