«Палілі ў печы». Шэсць «срочнікаў» загінулі ў Курскай вобласці
Здарылася гэта ранкам 20 лютага.
20.02.2023 / 15:57
Ілюстрацыйны здымак. Скрын відэа Мінабароны Расіі
«У выніку грубага парушэння патрабаванняў бяспекі вайскоўцамі ў Курскай вобласці адбыўся пажар у бліндажы», — паведаміла расійскае Міністэрства абароны.
ТАСС піша, што ў бліндажы было сем вайскоўцаў, шэсць загінулі, адзін атрымаў апёкі, але выжыў. Пры пажары здэтанавалі боепрыпасы, якія захоўваліся ў бліндажы.
Паводле інфармацыі тэлеграм-канала Mash, вайскоўцы палілі ў печы, і адзін з іх плюхнуў у топку гаручую вадкасць. Пачуўся выбух, пачаўся пажар.
Праводзіцца расследаванне.