Cichanoŭskaja paprasiła Google i Youtube praduchilić dyskryminacyju biełaruskaj movy
Śviatłana Cichanoŭskaja sustrełasia 18 lutaha z pradstaŭnicami Google i Youtube, paviedamlaje aficyjny telehram kanał lidarki demakratyčnych sił.
19.02.2023 / 18:25
Usie fota: tsikhanouskaya / Telegram
Udzieł u sustrečy brali pradstaŭniki Abjadnanaha pierachodnaha kabinieta, vice-prezidentka pa suviaziach z uradami Youtube Łeśli Miler i vice-prezidentka Google pa publičnaj palitycy i pa suviaziach z uradami Anet Krobier-Ryjel.
Padčas sustrečy Śviatłana Cichanoŭskaja padniała pytańni, jakija dapamohuć vyrašyć prablemu biełaruskaj movy ŭ praduktach Google i YouTube:
— dazvolić manietyzacyju kantentu na biełaruskaj movie ŭ praduktach Google i YouTube;
— dazvolić rekłamavać biełaruskamoŭnyja videaroliki na YouTube;
— spynić złoŭžyvańni instrumientami rekłamy rasijskimi i łukašenkaŭskimi prapahandystami;
— zabiaśpiečyć dostup da sajtaŭ i kanałaŭ niezaležnych miedyja, pryznanych režymam ekstremisckimi, praz pošukavyja sistemy i inšyja instrumienty Google.