Белстат: ВУП Беларусі ў студзені знізіўся на 5%
Белстат зрабіў першую ацэнку валавога ўнутранага прадукту Беларусі за студзень 2023 года. Ён склаў 15,9 млрд рублёў, што ў параўнанні са студзенем 2022 года менш на 5%.
17.02.2023 / 17:23
Індэкс-дэфлятар ВУП у гэтым месяцы ў адносінах да студзеня 2022 года склаў 110,5%.
У 2022 годзе ВУП Беларусі скараціўся на 4,7%. Такім чынам, тэмпы падзення паскорыліся, на што ўплывае высокая база першага месяца 2022 года. Пасля дынаміка яўна пачне паляпшацца, бо падзенне ВУП у мінулым годзе пачалося ў сакавіку, калі пачало адбівацца расійскае ўварванне ва Украіну.