Забаранілі прадаваць у Беларусі адзін з відаў пральнага сродку Ariel
Дзяржстандарт загадаў зняць з гандлёвых прылаўкаў у Беларусі мыйны сінтэтычны вадкі сродак у капсулах Ariel «Водар алею шы» ад кампаніі «Проктар энд Гэмбл».
16.02.2023 / 16:56
Праверка паказала, што вытворца мыйнага сродку спецыяльна паказаў у маркіроўцы, што прадукцыю можна выкарыстоўваць у пральных машынах любога тыпу, але гэта нібыта не так, бо, паводле Дзяржстандарта, сродак
«не можа прымяняцца як сродак для мыцця з нармаваным пенаўтварэннем для пральных машын з франтальнай загрузкай (паказчык «пенаўтваральная здольнасць» пры норме не больш за 180 мм склаў (219±5) мм)».
Такім чынам, на думку Дзярстандарта, перавышэнне названага паказчыка ўводзіць пакупніка ў зман, і прымяненне гэтага парашка ў машынах з франтальнай загрузкай можа быць небяспечным.
Тавар забаронены да ўвозу ў Беларусь.