U pasyłcy ź Japonii znajšli ledziancy ź niebiaśpiečnym psichatropam
Kala 200 ledziancoŭ, jakija źmiaščajuć asabliva niebiaśpiečny psichatrop, vyjavili supracoŭniki Minskaj rehijanalnaj mytni ŭ pasyłcy, što pryjšła ź Japonii. Padrabiaznaści incydentu paviedamili ŭ Dziaržaŭnym mytnym kamitecie.
15.02.2023 / 16:55
Parušeńnie było vyjaŭlena ŭ punkcie mytnaha afarmleńnia «Minskaja pošta». Atrymalnicaj pasyłki, u jakoj siarod inšaha byli paznačanyja miedykamienty, kaśmietyka i pradukty charčavańnia, źjaŭlajecca žycharka Homiela.
Padazronyja «prysmaki» mytniki nakiravali na ekśpiertyzu, u vyniku jakoj vyśvietliłasia, što ŭ składzie ledziancoŭ jość asabliva niebiaśpiečny psichatrop N-mietyłefiedryn.
Pa fakcie ŭvozu ŭ Biełaruś narkatyčnaha rečyva pravodzicca pravierka na najaŭnaść prykmiet złačynstva, paznačanaha ŭ art. 328-1 KK Biełarusi. Maksimalnaja sankcyja, praduhledžanaja hetym artykułam, — da 7 hadoŭ pazbaŭleńnia voli.